Vǐ súnnu Togán nukɔntɔn e nyí hwenu to wɛ nɔ ɖu gǎn, to wɛ nɔ́ kp’acɛ tɔn ɖo Benɛ́ɛtomɛ, Nicéphore Sogló, kpó Rosine Viyɛ́la Soglo kpó tɔn ɔ́, Ganiou Soglo ɔ́ è ji i ɖo Yovótomɛ fíe nyí Palíi (Paris) é ɖo xwe 1961ɔ́ tɔn mɛ.
é yí kúnnúɖewéma tɔn ɖo Kplɔ́nyijí alavɔ Mɔtréyali tɔn kpó Palíi tɔn kpó, akwɛ́zɔ́watɔ́ sín azɔ̌ wɛ é kplɔ́n, b’ɛ w’azɔ̌ ɖo akwɛ́sɛxwetɛn (gbanwunki)Sánni Pawolóo tɔn ɖo Palíi.
Ɖo xwe 1994ɔ́ tɔn mɛ ɔ́, é zé gbeta ɖɔ émí ná wáyi xwé to émítɔn mɛ bǐ dégbé dégbé ɖo Benɛ́ɛtomɛ, fínɛ́ wɛ é nɔ́ ɖ’alɔ ɖo alɔdómɛzɔ́ lɛ́ɛ kpó toxóɖúɖɔ e nyí to tɔn mɛ tɔn e kpó mɛ ɖe bó wá nyí ɖɛ̌mɛnu kpó gǎnhɔnyitɔ́ e nɔ kpé nukún dó lɔ̌nyijǐ bó fɔn kanxó wú é ɖo xwe 2007ɔ́ mɛ lobo lɛ́ nyí gǎnhɔnyitɔ́ e nɔ́ kpé nukún dó nuwalɔ mǐtɔn lɛ́ɛ wú é ɖo xwe 2008ɔ́ kpó ɖě bɔ dó ɖě wú.
É lɛ́ nyí nǔwlántɔ́ nǔxwlékpɔ́n tɔn ɖo toxóɖúɖɔ linu tɔn nukɔntɔn, Túnkan nú Nukúnɖúɖó ɔ́, bɔ é ko ɖɔ xó dó nunɔmɛ e nyí toxóɖúɖɔ linu tɔn ɖo Benɛ́ɛto mɛ é.